MUSANZE : HATANGIJWE IMIRIMO YO KUBAKA UMUDUGUDU W’IKITEGEREREZO WITA KU BIDUKIKIJE

Ni umushinga wo kubaka uyu Mudugudu uzimurirwamo imiryango 547, watekerejweho mu rwego rwo kwagura Pariki y’Igihugu y’Ibirunga kugira ngo igire ubuhumekero.

Uyu mushinga uzatwara miliyoni 49 z’amadorari ya Amerika angana na Miliyari 72 z’amafaranga y’u Rwanda.

Umuhango wo gutangiza iyi mirimo witabiriwe na Minisitiri w’Ubutegetsi bw’Igihugu (MINALOC) Dominique Habimana, Guverineri w’Intara y’Amajyaruguru, Mugabowagahunde Maurice n’abandi bayobozi barimo abo mu Turere dukora kuri Pariki y’Igihugu y’Ibirunga bo mu Ntara y’Amajyaruguru n’Iy’Iburengerazuba.